AMİDA HABER - Lîderê Grûba Sûre ya TFFyî Amedspor no hewte keyeyê xo de 24Erzincanspor reyde ame têver.
Amedspor her çiqas vera 24Erzincansporî 1-0 kewt peynî zî peynîya maçî de bi performansêko weş 4-1 qezenc kerd.

Antrenorê Amedsporî Mesut Bakkal zî taximê xo weş motîve keno û taximê ey her hewte serkewte yo.

12 maçan de 10 serkewtiş

Amedspor 12 hewteyanê peyênan de têdima 10 reyî serkewto û îmza eşto serketişêko pîl. Û 12 maç o ke vindî nêkerdo. Amedsporî nê maçan de 39 golî eştî tena 9 golî vînay.

Amedsporî her maç de keyeyê xo de , Stadyuma Yeni Diyarbakır de vejîyeno verê heskerdoxanê xo û terefdarê Amedsporî peyê her maçî de bi keyfweşî Stadyume ra ageyrenê
Golê Amedsporî no hewte hetê Mert Çapar Berk İsmail Ünsal Çekdar Orhan û Veli Çetinî ra ameyê eştiş.

Xora Çekdar Ordhan hema vaje her hewte golêka xo erzeno û hetê terefdaran ra tewr zaf o yeno heskerdiş

Nika Amedspor bi 68 pûanan grûba xo de lîder o. pûanê Kastamonusporî zî 67 o.

Amedspor do 3ê Nîsane de deplasman de Fethiyespor dir kay bikero. Kastamonuspor zî do keyeyê xo de Uşakspor dir kay bikero.