AMİDA HABER- Amedspor ewro keyeyê xo de verê tereftaran û heskerdoxanê xo de Karaman FK reyde ame têver. Hezaran heskerdoxê Amedporî, taximê xo tena nêverday û ameyî stadyûm.

Ewro Dîyarbekir de seke festîvalê fûtbolî estbi û hezaran heskerdoxê Amedporî herîkiyayê stadyûm.

Maç saete 14.00 de dest ci kerd û hema vaje stadyûm de ca nêmend. Heskerdoxê Amedporî hetanî peynîya maçî pê sloganan hetkarîye day taximê xo.

Mîyanê stadyûm de zî deyîrê Kurdkî ameyî cenayîş.

Amedpor weş dest bi maçî kerd û hema destpêkê maçî de deqaya newine de Oktay Aydinî gola xo eşte û Amedpor 1-0 kewt vernî.

Dewreyo yewin pê skorê 1-0 qedîya.

Dewreyo diyîn de zî Amedpor lez destbi maçî kerd û deqaya 49ine de pê gola Taner Gümüşî 2-0 kewt vernî.

Çektar Orhanî zî deqaya 53ine de taximê xo 3-0 eşt vernî.

Karaman FK deqaya 58ine de pê gola Ahmet Furkan Özcanî skor kerd 3-1. La deqaya 62ine de Mert Çaparî yewna gola Amedporî eşte û Amedpor 4-1 kewt vernî û maç wîna qedîya.

Heto bîn ra Iğdır FK ke lîder bi Menemen Belediyespor reyde ame têver û 2-0 vîndî kerd.
Bi no qayde Amedpor bîyo lîderê lîge.