AMİDA HABER- Çimê pêrûna Tirkîya weçînayîşê 31ê Adare yê Mehelî de yo. Goreyo ke îdîa beno weçînayîşê 31ê Adare ra dima semedê çareserkerişê Persa Kurd çîyê neweyî do bêrê kerdene.

Ma nê îdîayî Serekê Komela Karsazan û Sanayî yê Başûr-Rojhilatî (GÜNSİAD) Şah İsmail Bedirhanoğluyî rê pers kerd.

‘Kurdî gere nêkewê werteyê înan’

Bedirhanoğluyî behsê weçînayîşê Îstanbulî zî kerd û va, “Eke Ekrem Îmamoglu Beledîyeya Îstanbulî newe ra qezenc biko do 10-15 serrî sey aktorêko muhîm sîyaset de ca bigîro. Seke zanîyeno mabênê AK Parti-CHP de reqabet esto. Gere Kurdî nêkewê mîyanê nê reqebetî.

“Beno ke prosesêko newe dest pêbiko”

Bedirhanoğluyî îzah kerd ke 1ê Nîsane yanê badê weçînayîşî qertî do newe ra bêrê vilakerdiş û wîna dewam kerd. “ Ma texmîn kenê ke çîyê weşî do bêrê kerdiş. Ez hêvî kena do derheqê meseleya Kurd de prosesêkê aşitî yo newe dest pêbiko. Ek ma behsê aktoran biko bê DEM Partî zî aktorê bînî estê. La ez texmîn kena ke no proses reyna DEM Parti ser o dest ci biko. (Amida Haber)