Çolîg de vewrês ame war: Kesêk binê ci de mend û merd
Qezaya Çolîgî Darahênî de vewrês ame war û netîceyê ci de hemwelatîyêk binê ci de mend û dinyaya xo bedilna.
AMİDA HABER - Goreyo ke ame zanayîş şewa bîne dewa nederan (Yenisu) de kesêk bîne vewrêsî de mendo û merdo.
Hedîse Qezaya Çolîgî Darahênî dewa Nederan de qewîmîya. Vajîya ke a saete ke vewrês amo war, hemwelatî Ekrem Canli şîyêne keyeyê xo û binê vewrêsî de mend.
Xebata xelisnayîşî heta serê sibayî dewam kerd
Xeylê wext Ekrem Canlıyî ra xeberê nêameye girewtiş. Wexto ke pêhesîya vewrês amo war, ekîbê xelisnayîşî, Cendermeyî û personelê AFADî şîyê cayo ke vewrês kewto.
Xebata xelisnayîşî heta serê sibayî dewam kerd. Peynî de tirmê Ekrem Cansızî binê vewre ra ame vetiş û semedê otopsî neqlê Nêweşxaneyê Dewlete yê Çolîgî bi.
Türkçe karakter kullanılmayan ve büyük harflerle yazılmış yorumlar onaylanmamaktadır.