AMİDA HABER – Qezaya Dîyarbekirî Yenîşehîrî de kutikêko beradayî mîyanê yew rojî de heşt tenî gaz kerdî. Kesê ke raştê hêrişê kutikê harî ameyê û hetê kutikî ra ameyê gazkerdiş verê xo dayê nêweşxaneyan û derzîna qudizî dayê xo ro.

Kam ke ameyo ver gaz kerdo

Goreyo ke ame zanayîş, roja 26ê Sibate saete 15.30 de qezaya Yênîşehîrî, mintiqayê rayîrê mabênê Xarpêt-Dîyarbekirî kişta Forum AVM de hemwelatî R.Y. (41) rayîr ra şîyêne û hetê kutikî ra ame gazkerdiş. Eynî roj A.A. (10), S.E.(48), R.A. (80), N.G. (71), E.D. (15), Z.E. (20) û Mehmet Karcı (43) zî hetê kutikî ra ameyê gazkerdiş.

Kesê ke hetê kutikî ra ameyê gazkerdiş verê xo şayê nêweşxaneyan û derzîna qudizî û tetenozî dayê xo ra

Mehmet Karcı yo ke hetê kutikî ra ameyo gazkerdiş vano ke ” Mi o roj 3 hebî qezaxî daybî xora, onca zî kutikî ez gaz kerda. Nê kutikî mîyanê rojêk de heşt kesî gaz kerdî. Ma tehlîlê xo dayê nêweşxane la hema nêvejyayê. Wa îdarekarî semedê nê kutikanê beradayîyan çareyêk bivînê.”

Amida Haber