AMİDA HABER - Hemserekê DEM Partî Tuncer Bakırhan Semedê Weçînayîşê 31ê Adare yo Herêmî şi Çewlîg û uca de xîtabê şarî kerd.

Bakirhanî qiseykerdişê xo de va “Çewlîg de nameyê yew rayberê Kurdan ê ke semedê şarî micadele kerdê nêdîyayo cade yan keçeyêk. Qal yena qal vanê “Ma Zaza yê”

Bakirhanî dewamê qiseykerdişê xo de da zanayîş ke şarê çewlîgî zafê xo bi lehçeya Zazakî qisey keno, la mîyanê bajarî de yew tek tabelaya Zazakî çîn ya û wina va “
Qal yena qal vanê “Ma Zaza yê” la nameyê kuçeyêk zî bi Zazakî nîyo. Anqara de cîya Çewlîg de cîya qisey kenê. Anqara de verg ê Çewlîg de benê Zaza. Xora AK Partî MHP dir îtîfaq kerda. Ma zanêne ke MHP dişmenê Şêx Seîdî û dewaya ey a. Şarê çewlîgî tornê Şêx Seîdî û Seyîd Rizayî yo. Vera zulum û tedayan welatê xo canêverdayo û do canêverdo zî.