AMİDA HABER- Markaya namdare Adidas pêroyê dinya de rotiş kena û modelê esemsporê xo yê bi nameyê Samba de ca da renganê Kesk, sûr û zerd daşinasnayîş.

Semedo ke nê rengî mîyanê Kurdan de rengê neteweyî yenê qebûlkerdiş, rengê esemsporanê neweyî platformanê dijîtalan de rastê elqeyêko pîl ameyî.

Tay xebtinayoxê medya sosyale seba renganê kesk, sûr û zerd yê esemsporanê Adidasî vanê, Tirkîya de nê rengî do bibê problem, wa xebera dozgeran nê rengan ra çîne bo.

Seyan kesan rê dewa ameybî akerdiş

Seke yeno zanayîş herême de semedê puşî, engal û kefîyanê ket ede rengê kesk, sûr û zerd estbî derheqê seyan kesan de dewayî ameybî akerdiş û ê kesî mehkemeyan de ameybî muhakemekerdiş.