AMİDA HABER- Qaymeqam Ünal Koç o ke serra 2019î de herinda Hemşaredaranê HDPyîyan sey qeyûm amebi tayînkerdiş, verê weçînayîşê 31ê Adare mal-milkê Şaredarîya Kayapınar xo dest ra vejeno, dewrê dezgeyanê devlete ê bînan keno.

Şaredarîya Kayapınarî serranê verênan de zî 19 hebî milkê Şaredarîya Kayapınarî rotibî.

Kitabxaneyê neweyî ameyî dewrkerdiş

Ame zanayîş ke qeyumê Kayapınarî na rey 2 kitabxaneyî ke par ameybî viraştiş û ercê înan 300 milyon TL yo dewrê Wezaretîya Perwerdeyî ya Mîllî kerdî.

Heto bîn ra çend rojî verî zî qeyûmê Şaredarîya Bajarê Girdî ya Dîyarbekirî waştbi tesîsê Şaredarî yo ke Gola Hezarî de ca gêno biroşo. Qeyumî semedê nê rotişî Şaredarî rê nuşteyêk nuştbi.

Parlamenterê CHP yê Dîyarbekirî Sezgin Tanrıkulu naye ser şibi verê Şaredarîya Bajarê Girdî ya Dîyarbekirî û uca ra veng dabi û qeyûmî ra vatbi “Şima mal û milkê Dîyarbekirî ra çi wazenê? Şima çira mal û milkê belediye roşenê?