AMİDA HABER – Erdlerzê 6ê Sibate yê Mereşî de Diyarbakır de zî hewt bînayî şîyayê we. û 409 kesî merdî. Verê weçînayîşê Mehelî yê Beledîyeyan zaf taxanê Dîyarbekirî de keyeyê bêdestûrî yanê keyeyê qeçaxî û bêkontolî yenê viraştiş. Vajîyeno ke tay dezgeyî vengê xo vera nê keyeyanê qeçaxan nêkenê.

Serekê Odaya Mîmaran yê Dîyarbekırî yo verên Ferît Kahramanî Amida Haber rê qisey kerd û da zanayîş ke her verê weçînayîşê mehelî awanîyê qeçaxî û bêruhsatî zêdîyenê.

“Kes hesabê ci nêdano”

Kahramanî îzah kerd ke Beledîye na mesela de wezîfeyê xo nêana ca û wîna va “Verî otêl, salona veyveyî yan zî plaza virazenê. La xeylê wext badê qedîyayîşê înşaatî ma vînenê ke nat û wet yan serê ci de awanîyê bînî yenê viraştiş. Her çiqas sûcê înan yeno tespîtkerdiş zî hetanî nika çewî qeyûman ra hesap pers nêkerdo yan zî yewêkê ci ceza nêgirewto.

“Hûmara înan de zêdîyayîş”

Kahramanî da zanayîş ke Dîyarbekir de nê serranê peyênan de hûmara cayanê bêrûsatan zêdîyaya û wîna va “Nê serranê peyênan de beledîyeyê ke destanê qeyîuman deyê de hûmara awanîyanê bêdestûran de zêdîyayîş esto. Ma derheqê 100 hebê înan de gerre kerd. Ma derheqê 50 hebê înan de dewa akerda. La çi heyf ke seba ê cayanê qeçaxan çîke nêno kerdiş." (Haber: Zelal Sinayiç)