AMİDA HABER- Ehmedê Xanî 300 serrî verî no vatiş, semedê ziwanê ma vato. Helbet sebebê ci yê sîyasî, aborî û komelkî zaf ê. Ma sey amidahaber wazenê kişta tirkî de bi kurdkî zî xeberan virazê. Ma do 2 zaravayanê kurdkî (kurmancî û zazakî) de xeberan bidim. Ma qayîlê xeberanê xo bi ziwanê xo biwanê. Ma zanê ke na cografya ser o xeylê ziwan, kultur, bawerî û dînê cîya bi cîya ca girewtê. Ma sey amidahaber şaristanîya Amedî ya 8 hezar serran ra feyz girewto. Ma sey yewin keyepelê zafziwanî, dest bi weşanê xo bike.
Her rojnameger bi şîarê "Bêhet, zafvengî, objektîf û lezgînî" dest bi kar keno. La ma vatişê "bêhetîye " werte ra wedarnenê. Coka ma teref ê... Terefê ma heq, hûqûq, şar û herêmkî yo.
Ma rewşêka wînayêne de dest bi weşanî kenê ke, xebercîtîya yewhetî yena kerdene û vengê rastîye yeno fetisnayene. La ma sey amidahaber wazenê bibê vengê bêvengan, bibê vengê kesanê ke qîrayîşê înan zerrîya înan de ameyo tepisnayîş, bibê vengê ê kesanê ke nêeşkenê vengê xo vejê.