AMİDA HABER - Amida Haberî ke 22ê Êlula 2022î dest bi weşanê xo kerd, semedê Pîrozkerdişê Yewserrîya Ronîyayîşê xo Dîyarbekir de Radisson Blu Otel de resepsiyonêk da. Xeylê sîyasetmedarî, temsîkarê sazîyanê sîvîlan, karsazî û rojnamegerî ameyî resepsiyon.
Serekê Odaya Bazirganî û Sanayî (DTSO) Mehmet Kaya, Parlamenterê AK Parti yê Dîyarbekirî Galip Ensarioğlu, Parlamenterê CHP yê Dîyarbekirî Sezgin Tanrıkulu, Parlamenterê Partîya DEVA yê Mersinî Mehmet Emin Ekmen, Parlamenterê HEDEPî yê Dîyarbekirî Mehmet Kamaç, serekê PSKyî Bayram Bozyel, Hemserekê HDPyî yê Bajarî Zeyat Ceylan û Gülistan Atasoy, Şewirmendê Sereka İYİ Parti Meral Akşener Baver Miroğlu, serekê Saadet Partisi yê Bajarê Diyarbakırî Abdurahman Ergin û sereka beledîyeya Bismilî ya verêne Orhan Ayaz zî resepsiyon de cayê xo girewî.
Ronayoxanê Amida Haberî ra İlyas Akenginî qiseykerdişê xo bi zazakî kerd. Qiseykerdişê ey wîna yo ; "
Merheba, şıma pêro xêr amê.
Amida Haber serrêk verê coy aşma êlul de dest pê weşanê xo kerd.
Wextok ma dest pakerd ma waşt kişta Tırkî û kurmancî de ma pê zonê xo Zazakî zî eno kar bikî. Semedo ki ez zî Gonul zî ma zaza yî ma qayîl bî zêde ra ca bide zazakî. Ma kerd ki wa zazakî zî sîteya ma de bibo. Semedo ke şıma bileşke pê zonê xo zî Xeberan biwani, Amida Haber serrêko dest bi xebat kerda û sek şima zî zonî ma mîyon serrêk di zaf aver şîyê. Û enka keyêyê ma yo xışn esto. Raşta ci pê destegê şima Amida Haber pêro reng û vengê Dîyarbekırî resne medya netewî û enka her kes bîyayîşon Dîyarbekırî Amida Haber ra pêhesyeno."
Ronayoxanê Amida Haberî ra Gönül Morkoç Dekak zî bale ante objektifîya Rojnamegerîye ser û îzah kerd ke, Amida Haber mîyanê serrêk de ney ispat kerdo.
Resepsiyon de, Galip Ensarioğlu, Mehmet Kamaç, Sezgin Tanrıkulu, Mehmet Emin Ekmen, Mehmet Kaya û serekê GGCyî Mücahit Ceylanî zî yew qiseykerdiş kerd.
Semedo ke pê xeberanê kurmanckî destek daya plaketêk dîya Hangül Özbey, semedo ke pê xeberanê zazakî destek dayo Amida Haberî plaket dîya Enver Yılmazî, semedo ke warê sosyal medya de destek dayo plaket dîya Yücel Emrah û semedê Hetkarîya ey plaket dîya karsaz Hakim Aytekî.