AMİDA HABER - Hemserekê HDPyî yo verên Selahattîn Demîrtaşî semedê wefatê Nuştox û Cigêrayox Munzur Çemî peyamêka serweşîye weşana. Demîrtaşî peyama xo bi kirmanckî (Zazakî) vila kerd.
Demîrtaşî keye û heskerdoxanê Munzur Çemî rê serweşîye waşt û va ke, “Ez bi xemgînî pêhesîyaya ke cigêrayox û nuştoxo qîymetin û kedkarê kirmanckî/zazakî mamosta Munzur Çem şîyo rehmet. Sareyê keyeyê ey û şarê ma sax bo, cayê ey cennet bo. Ma to xo vîr ra nêkenî, nêdanê vîr kerdene birêz Mamosta.”