AMİDA HABER- Taxa Geçit 6 kîlometre dûrê qezaya Şankuşî ya Dîyarbekirî de ya. 48 kesê ke taxe de cuyenê semedo ke wa nameyê taxe yo verên “Xoya” newe ra bidîyo taxe, îmzayî arêdayî. Naye ser o nameyê taxe bi qerarê Meclîsê beledîye ra ame vurnayene (bedilnayene). Labelê nameyê taxe sey “Xoya” ney sey “Hoya” ame bedilnayîş.
Astengîya “X“ dewam kena!
Badê pey ame zanayîş ke nameyê taxe yo Zazakî û heqîqî Hoya ney, Xoya yo. Şarê ucayî zî xora taxe ra vano “Xoya”. Ame zanayîş ke wexto ke name ameyo vurnayîş herfa “X” ke mîyanê alfebeya Tirkî de çin ya ameya asteng kerdene. (Amida Haber)