AMİDA HABER– Taxa Fabrîka ke qezaya Yenîşehîrî ya Dîyarbekirî de ca gêna de 230 keyeyî 5 rojî yo ke bêceyran ê. Sazîya DEDAŞî ke mesûlê temînkerdişê ceyranî ya wazena sayacanê ceyranî gîrê bido dîrekan la şarê taxe vano, ma mexdûr ê.
Heto bîn ra 230 keyeyê ke werdê xo yê zimistanî ke dolabanê cemedî de nabî ro zafê înan herimyay. Semedo ke ceyran çin o makîneyê nêweşanê dîyalîzî zî nêşuxulyenê. Şêlikê taxe vano, eke ceyranê ma nêro ma do gedeyanê xo nêerşawe mekteban.
Dorpêçê Polîsan
Heto bîn ra semedê protestokerdişê biryayîşê ceyranî şêlikê taxe rayîr qefilneno û wazeno vengê xo vejo. Kuçeyê ke tede ceyran çino de zî dopêçê polîsan esto.