AMİDA HABER- TFFyî hekemê maçê Amedspor-Sivas Belediyesporî êyê ke Grûba Sipîye ya Lîga 2. de kay kenê aşkere kerd. Semedê maçî hemeko Bursayij Süleyman Soytürk ame wazîfekerdiş. Nê qirarê TFFyî Dîyarbekir de raştê razînêbîyayîşan ame. Semedo ke verê cû Soytürkî musabaqeyanê Amedsporî de qirarê nêraştî tabî zaf rey amebi rexnekerdiş.
Terefdarê Amedsporî medyaya sosyale ser ra vera nê qirarî razînêbîyayîşê xo nîşan day.
Gelo sewbîna hekem çin o?
Şîrovekarê sporî Özgür Büyükî zî vera nê qirarî razînêbîyayîşê xo îzah kerd û va, “Gelo TFF de hekemêk nêmendo. Çira şima hekemî rê zî neheqîye kenê. Çira şima pê nê qirarî hêrsê ma anê. No qirar ra zî fehm beno ke TFF çiqas xemsar o. Çimê ma sey her wextî şima ser o yê. Baş bizanêne.” (Amida Xeber)