AMİDA HABER- Dîyarbekir de şewa bîne 2 tenan pê kardî pêrodayîş kerd, bîy birîndar û wedarîyay nêweşxane. Birîndarî wedarîyay Nêweşxaneyê Dewlete yê Selahattin Eyyubi. La belê merdimê nêweşan nêweşxane de ameyî têver û nêweşxane bi sey meydanê herbî.
Merdimanê nêweşan zirar da malê nêweşxaneyî zî û nêweşxane demêk xizmet nêda.
Di grûbî day yewbînan ro
Serekê Şûbeyê Dîyarbekirî yê Genç Sağlık-Senî Faysal Yiğitî da zanayîş ke di grûban pêrodayîş kerdo, her di grubî zî ameyê eynî nêweşxane, nêweşxane de pêkewtiş vejîyayo, nêweşxane demêk xizmet nêdayo û şikir pêkewtiş de çîke nêbîyo personelanê weşîye.
Gere cîhazê X-Ray her nêweşxane de bibo
Faysal Yiğitî wîna va: " Xebatkaranê asayîşî se kerd nêkerd zî nêeşkay verê pêrodayîşî bigîrê.Ma Wezaretîya weşîye ra wazenê wa wa beşa lezgîne decîhazê X-Ray ca bikerê. Eke wîna bo nê merdimî nêeşkenê kardî û çekan bîyarê zere.”
Heto bîn ra derheqê pêrodayîşî de tehqîqat dîyayo dest pêkerdiş û tehqîqat hîna zî dewam keno.