AMİDA HABER - Namzetê Ak Partî yê Şaredarîya Bajarê Girdî ya Dîyarbekirî Mehmet Halis Bildenî, semedê Hemşaredarê DEM Partî ê ke vizêr dest bi wazîfeyê xo kerdbî peyamêke weşana û ê tebrîk kerdî.
Hemşaredarê DEM Partî Serra Bucak û Doğan Hatunî weçînayîşê 31ê Adare de bi ferqêko pîl şaredarî qezenc kerdbî û namzetê Ak Partî vindî kerdbi.
Namzetê Ak Partî yê Şaredarîya Bajarê Girdî ya Dîyarbekirî Mehmet Halis Bildenî xesabê xo yê platformê dijitalî ra mesajêk weşana û va “Wa encamê weçînayîşê 31ê Adare şarê ma rê xêrîn bê. Ez Birêz Serra Bucake ya ke mazbataya xo girewta rê serkewtiş wazena”
Serra Bucake zî parkerdişê Halîs Bîldenî profîlê xo de newe ra pare kerd û va“ Ez seba nê peyamê şima yê nazikî sipas kena. Seba ke ma layîqê şarê Dîyarbekirî bibê ma do bixebitê.“