AMİDA HABER - Pê hişa virate de na rey resimê Fermandarêkê Kurdan virazîya. Xebitnayoxê Înternetî Junaro Kameran, bi hişa viraşte portreya Fermandarê Kurd Selahaddîn Eyyubî viraşte.
Tarîxnas Mahmut Akyüreklîyî portreya Fermandarê Kurd Selahaddîn Eyyubî ya ke bi hişa viraşte ameya xêzkerdiş, hesabê xo yê medya sosyale ser ra pare kerd û va“ Goreyê tewsîranê tarîxî ra na portreya ke hetê Junaro Kameranî (KaMuran) ra ameya viraştiş tewr nêzdîyê rasteqênî ya”

Selahaddin Eyubî kam o?
Fermandarê dewleta Zengî Selahaddin Eyubî serra 1171î de Dewleta Eyûbîyan awan kerdo, na dewlete hukmê Mısır û Surîye kerda. Selahaddin Eyubî wexto ke Mısır girewto xo dest, semedo ke terîqatê Helîfetîya Şîî Fatimî werte ra darito we sey ''Sultanê Mısırî '' ameyo îlankerdiş. Serra 1187î de herbê Hıttinî de Qûdûs destê Xirîstîyanan ra girewto û Rojhilatê Mîyanênî de bîyo hêzêko pîl. Hetêk ra zî bi jêhatî û edeletê xo, dişmenê ey zî ey rê hurmet kerdê. Selahaddin Eyûbî serra 1193î de Şam de 55 serrîya xo de rîyê nêweşîyêk ra merdo.