‘Beno ke Dêrsimijêke biba serokwezîra Hollanda’

AMİDA HABER - Medyaya Hollanda aşkere kerd ke, semedê serekwezîrîya Hollanda 5 namzetî estê û beno ke namzeda Kurd a Dêrsimije Dîlan Yeşîlgoz biba serekwezîra newîye ya Hollanda. Dîlan Yeşilgöz nika Hollanda de Wezîra Edeletî û Asayîşî ya Hollanda ya.

Çapemenîya Hollanda îdia kerd ke, namzeta diyîne ya tewr xurt Temsîlkara Taybet a Sekretera Pêroyî ya Netewa Yewbîyayî ya Iraqî Jeanine Hennis Plasschaert a. La şansê Dîlan Yeşilgöz aye ra zêdêr o.

Dîya zanayîş ke, namzedo hîreyîn zî Klaas Dijkhoff o. Dîlan Yeşîlgoz 18ê Gulane de Serekwezîrê Herêma Kurdistanî Mesrûr Barzanî reyde ameybî têhet.

Dilan Yeşilgöz Zegerius Kam a?

Dilan Yeşilgöz, 18 Hazirana 1977î de Anqara de ameya dinya û Dêrsimij a. Wexto ke a hema qij bîya keyeyê aye serra 1984î de rîyê sebebanê sîyasî ra koçê Hollanda kerdo. Dîlan Yeşîlgöz badê cû Partîya “Semedê Şarî Demokrasî û Azadî” (Volkspartij voor Vrijheid) de dest bi sîyaset kerd. Mabênê serranê 2014 û 2017î de weçînayîş de lîsteya partî ra sey endama Konseyê Şaristanî yê Amsterdamî ameye weçînayîş. Serra 2021î de hetê Serekwezîrê Hollanda Mark Rothe ra sey Wezîra Edeletî û Asayîşî ameye wazîfekerdiş. (Amida Haber)