Çewlîg: Biluskî da dewarî ro, 51 bizî murdar bîyê

AMİDA HABER- Qezaya Çewlîgî Darahênî de Biluskî da dewarî ro. 51 hebî bizê welatî Zîyadîn Çatkınî rîyê biluskî ra telef bîyê, bîyê murdar. Ame zanayîş ke Mezrayêka Darahênî de wexto ke heywanî semedê çernayîşî dorûverê mezra de gêrêne biluskî dayo înan ro û mîyanê dewarî de 51 hebî bizî murdar bîyê.

‘Zirarê mi zaf o’

Her çiqas muxtarê dewe veyna ekîbanê xelisnayîşî zî bizê ke birîndar bîyê pêro merdê û murdar bîyê. Wayîrê malî Zîyadîn Çatkın o ke bizê ey rîyê biluskî ra telef bîyê wazeno wa ey rê ardim bêro kerdiş û vano, zirarê mi zaf o, mi yew hewe de 51 hebî bizê xo vindî kerdê, nika destê mi de çend hebî tena bizî mendî. (Amidahaber)