Çolîg de vewre Dîyarbekir de varan, hayîdarî amey dayîş

AMİDA HABER - Qezaya Çolîgî Karîreş de qalindîya vewre resaya 6 metre. Rîyê vewra zêde ra rayîrê zaf dewan qefilîyayo.

Ekîbê pakkerdişê vewre semedo ke rayîranê qefilnayeyan abikerê xebatanê xo domnenê.
Ame zanayîş ke badê xebatêka 18 saete rayîrê dewan ameyê akerdiş.

Heto bîn ra semedê Dîyarbekirî zî hayîdarîya varişê zêdeyî ame dayîş. Mûdirîya Pêroyî ya Metorolojî ya Dîyarbekirî da pêhesnayîş ke, Dîyarbekir de nê rojan de do varanêko zêde bivaro.

Ancî semedê Adıyaman, Colîg, Elezîz, Entep, Hakkarî, Malatya, Maraş, Mardin, Dêrsim, Riha, Batman û Şırnakî zî hîşyarîya varanê zêdeyî amey dayîş û hemwelatîyan ra ame waştiş ke wa tedbîranê xo bigîrê. Germîya hawayî zî do 6-3 derece kêmî biba û hîna zêde bibo serd.

Dîyarbekir de nika ca bi ca varan vareno û hewa padaye yo. Nê rojan de do varayîş dewam biko.