DEDAŞ: Eke citkarî deynanê xo nêdê înan rê ceyran çin o!

AMİDA HABER - Midurê Dicle Elektrik (DEDAŞ) Yaşar Arvas beyanat da çapemenîye û da zanayîş ke, banqaya Ziraatî semedê citkaran kredîya bêfaîzine hadre kerda la citkarî na kredî rê muracat nêkerdê û va “6 şaristanan de pêroyî de 14 mîlyar deynê 25 hezar citkaran estbi la çi heyf ke 23 hezarê înan semedê kredî muracat nêkerde. Eke citkarî deynanê xo nêdê wa demê ramitişê erdê xo ma ra ceran nêwazê”

Se ra 90ê citkaran deyndar ê

Arvasî da zanayîş ke se ra 90ê citkaran deynê xo esto yê ceyranî esto û wîna va “Deynê 25 hezar citkaran esto înan ra tenya 2 hezar û 300 tenî semedê dayîşê deynê xo muracat kerd. Eke deynanê xo nêdê ma do ceyran nêde înan. Serra 2023î ra badê pey eke pereyanê xo nêdê ma do ernejî nêde înan.”

‘Ma ceyranê 15- 20 camîyan birna’

Rojnamegeran derheqê meseleya camîyan de birnayîşê ceyranî de pers kerd û naye ser Midurê Şaristanî yê DEPSAŞî Ali Gevancıyî wîna cewab da “Dîyarbekir de ceyranê dorê 15-20 camîyan ameyo birnayîş. Roşnîkerdişê camîyan de problem çin o. La semedo ke heqê klîma û gazî nêameyo dayîş tay camîyan de ceyran ameyo birnayîş”