Dîyarbekir de heqê kîrayan bîyo 20 hezar lîra!
AMİDA HABER - Dîyarbekir de badê erzlerdê 6ê Sibate yê Mereşî ne banî yenê erînayîş, ne banê kîrakerdişî estê ne zî milet eşkeno pê maeşê xo banêk kîra biko… Mîyanê şaristanî de tay cayan de heqê kîraya banan bîyo 20 hezar lîra. Bi no qayde kîraya banan maeşê karmendan vîyarto.
‘Kîracîyî zî bêçare manenê, banê xo kenê veng’
Serekê Odaya Emlakçîyan Mustafa Koçî Amida Haberî rê qisê kerd, da zanayîş ke Dîyarbekir de banê kîrakerdişî peyda nêbenê û wîna va, “Her çiqas hukmat vato, gereke kîrayî se ra 25 bêrê zêdîyayîş zî, wayîrê banan bi nimitkî bananê xo zaf vay danê kîra. Ma pêhesyenê ke bano ke par kîraya ci 7 hezar 500 lîra bi emser bîyo 15 hezar lîra. Semedo ke bananê xo bi vayî bidê kîra, pêqest kîracîyanê xo ra vanê “Ez yena keyeyê xo, gedeyê mi zewicyeno ûsbn. Kîracîyî zî bêçare manenê, banê xo kenê veng.”
Cadde 75 ser o heqê kîrayan bîyo 20 hezar lîra
Mustafa Koçî îzah kerd ke, cayo sey bağlarî de heqê kîrayan bîyo 3 hezar 3 û 500 lîra, Cadde 75 ser o (Mahabad Bulvarı) êdî roniştişi kîrakerdişê banî mumkin nîyo, uca de heqê kîrayan bîyo 20 hezar lîra û no fîyat maeşê kermendan ra zî zêdêr o.
(Gönül Morkoç/Taybet)
Türkçe karakter kullanılmayan ve büyük harflerle yazılmış yorumlar onaylanmamaktadır.