Dîyarbekir de kêmanîya dermanan: 10 reçeteyan ra 4ê ci çin ê!

AMİDA HABER - Goreyê kurê sabitî yê Euroyî ke Wezaretîya Weşîye her serre aşma sibatî de bewlî kerdbî ra par vayayîya dermanan bibî 7,86. Wexto ke Euro zêdîya û bi 19 hezar Lîre, şîrketan berardişê dermanan kêmÎ kerd. No sebeb ra tay dermanî nênê peydakerdiş. Diyarbekirijî zî para xo kêmbîyayîşê dermanan ra girewt.

‘Nêweşî ber bi ber gêrenê’

Dîyarbekir de bi taybetî şurubê gedeyan, dermanê ke nêweşê kronîkî gênê, peyda nêbenê. Dermankare Rojda Yılmaz derheqê nê problemî de Amida Xebere rê qisey kerd û da zanayîş ke nika Dîyarbekir de 10 reçeteyan ra 4ê ci peyda nêbenê. Rojda Yılmaz wîna va “Mavajê semedê nêweşêk 4 dermanî yenê nuştiş, la yew esto 3ê ci çin ê. Ma zî mîyanê gruba xo de kenê ke nê dermanan peyda bike. Eke ma peyda kerd, ma nêweş ra vanê, şo uca ra bigîre. Semedo ke nêweş çar dermanan peyda bikero, mecbur maneno ke şêro çar dermanxaneyan”

Roja Yılmaz vana ke, bi no qayde hem nêweşî hem zî doktorî semedê peyda nêbîyayîşê dermanan tengayîye ancenê û semedo ke dermanî peyda nêbenê nêweşî û doktorî yenê têver. (Amida Haber)