Dîyarbekir de keyeyê TOKİ binê awe de mendî

AMİDA HABER - Qezaya Dîyarbekirî Kayapınar Keyeyê Maliye - TOKİ binê awede mendî. Keyeyê ke dekewtişê sîte de bî bînê awa kanalîzasyonî de mendî. Goreyo ke ame zanayîş, kanalîzasyon ameyo xetimnayîş û awa herome rişîyaya keyeyan ser. Awe hetanî mitbaxê keyeyan amey. Şaro ke ê keyeyan de maneno pê îmkananê xo kerd ke awe bikê pak.

Pê îmkananê xo awe kerdê pak

Kesê ke keyeyê înan binê awe de mendê Amida Haberî rê qisey kerdê û wîna vatê “Wextoke ma semedê pawîve wariştî ma dî ke banê ma binê awe de mendê. Semedo ke varan zêde ra varayo, kanalizasyonî xetimîyayê û a awa herome rişîyaya keyeyanê ma. Pêro tef-talê ma binê awe mend. Parkeyê ma pêro masay.”

Şar dano zanayîş ke înan xeylê wext venga DİSKİdayo la DİSKİînan rê ardim nêkerdo û înan pê îmkananê xo awa herome kerda pak.

‘5 serrîyo ke wînî yo’

Muxdarê Taxe zî dano zanayîş ke, panc serrîyo ke no problem esto û va“5 serrîyo ke bi varayîşê varanî keyeyê ma binê awe de manenê. Ma nêeşkenê xo biresnê DİSKİ û DİSKİ ma muxatab nêgêno. Semedo ke awe debîya binê bînayanê ma bînayê ma bîyê pûç. Eke zelzele bibo zî do bêrê rijnayîş”