Dîyarbekir de zêdebîyayîşê diştare: Nêweşxaneyan de ca nêmedo!

AMÎDA XEBERE- Bi serdbîyayîşê hewayî, Dîyarbekir de nêweşîya diştare û enfeksîyonê grîbal zêde bîyê. Rîyê janî ra xeylê gedeyî nêeşkenê şêrê mekteban û xeylê sinifî veng mendê. Tay sinifan de sinifî nîme ra nîme veng mendê.Heto bîn ra sekaratxaneyanê nêweşxaneyan de hûmara muracatî resaya di hezarî. Hema vaje sekeratxaneyan de ca nêmendo û bîyê pirr.

‘Beno sebebe satilce’

Pisporê Nêweşîyanê Gedeyan Doç. Dr Muhammet Asenayî Amîda Xabere rê qisey kerd û da zanayîş ke nêweşîya dişdare zêde bîya, na nêweşî ra vajîyeno “enfeksîyonê super” û beno ke nêweşî ageyro satilce. Doç. Dr Muhammet Asenayî wîna va “ Tesîrê nê enfeksîyonî gedeyanê 3-4 serrîyan ê ke demê pandemî de ameyê dinya zaf zêde yo. Semedo ke ê gedeyî demê pandemî de zerre de bî leşa înan nê enfeksîyonî nêşinasnena û zaf leze nê janî gênê.

Doç. Dr. Asenayî waşt wa semedo ke jan zêde ra vila nêbo gedeyê nêweşî nêşîrê mekteban û wîna va: “Ganî ma nê janî bigîrê binê kontrolî. Çimkî pê dermankerdiş nêqedîyeno. Gere gedeyî vîtamînê xo weş bigîrê.” (Amida Xebere)