E-Reçetem de ca dîyayo panc ziwanan la Kurdî çin a!

AMİDA HABER - Wezîrê Weşîye yê Tirkîya Fahrettîn Kocayî aşkere kerd ke, semedê sîstemê e-Reçetemî panc ziwanê bînî ameyê zêdekerdiş. Labelê ziwanê Kurdan ke Tirkîya de milyonan kesî qisê kenê çin o.

Kocayî da zanayîş ke ziwanê Îngilîzî, Almanî, Erebî, Fransî û Rûsî sîstemê e-Reçetemî de ameyê zêdekerdiş û wîna va:
“Ziwanê ke ma ser o xebityêne ke înan sîstemê e-Reçetemî rê îlawe bike temam bîyê. Vizêrî ra nat nê ziwanan de zî êdî do xizmet bêro dayene. Xizmetê bi ziwanên Îngilîzî, Almanî, Erebî, Fransî û Rûsî ewro serê înternetî ra dest pêkerdo.”

Heto bîn ra sîstemê e-Reçetemî de canêdayîşê Kurdî bîyo sebebê hêrsan.

HDPyî zî ser hesabê xo yê Xî ra Kurdbîyayîşê Fahrettîn Kocayî vist vîr û va: “Wa xêrîn bo la çira şima ca nêdayo Kurdî zî, kurdî kotî der a? Kurdê ke paştî danê AKPyî gelo şima na perse persenê? Birêz Fahrettin Koca qet nêbo ti wayîrê ziwanê xo bivejîyêne.”