Hîre aqilkêmê Dîyarbekirî hetê YouTuberan ra îstîsmar benê!

AMİDA HABER- "Vînceroş Memo” Mehmet Kızılay,’Dendikroş Mısto’ û ’Hiko Baba’ Hikmet Ulucan aqilkêm ê û her hîrê zî Dîyarbekir de zaf yenê heskerdiş. Nê her hîrê tenî Dîyarbekir de sey fenomen yenê şinasnayîş. La nê demê peyênî de tay youtuberî ‘Vînceroş Memo’, ’Dendkroş Mısto’ û ‘Hiko Baba’ semedê zêdekerdişê taqîpkerdoxanê xo xebitnenê û bi no qayde înan îstîsmar kenê.

Demirtaş: Ez Dendikroş Mıstoyî ra feyz gêna

Serranê verênan de Selahattin Demîrtaş o ke 7 serrîyo ke Hepisxaneyê Edirne de maneno Dendikroş Mıstoyî rê silamî erşawitbî. La semedo ke ey rê silamî nêerşawitbî ’Vînceroş Memo’ vatbi “Ez Demirtaşî rê heridyawa”. Heto bîn ra Demirtaşî yew roportajê xo de vatbi ’Ez Dendikroş Mısto ra feyz gêna’.

Her hîrê kesî zî hetê sîyasetmedaran ra yene şinasnayîş.