Kıran: Partîyê muxalefetî nêeşkenê meseleya Kurd safî bikê

AMİDA HABER- Heto yew ra weçînayîşê Serekkomarîye nêzdî beno heto yew ra zî hem Îtîfaqê Cumhurî hem zî Îtîfaqê Miletî wazenê rayanê Kurdan bigîrê.

Gelo rayê Kurd do şêrê ça?

Prof. Dr. Abdullah Kıran o ke Unîversîteya Alparslanî ya Mûşî de wezîfe keno, derheqê masaya şeşgoşeyîne a ke tede şeş partîyê muxalefetî ca gênê de çîyê balkêşî vatî.

Masa ca de vila beno

Kıranî hesabê xo yê Medyaya Sosyale ser ra beyanatêk vila kerd û wîna va “Eke şima meseleya Kurd masaya şeşgoşeyine ser o ronê a masa ca de vila bena. Êyê ke tehemûlê înan çino ke hukmat HDP reyde qisê biko, nêeşkenê demokrasî bîyarê welat. Xora Tirkîya de problemê demokrasî çin o, meseleya Kurd a ke demokrasî kena bêîmkan esta!”