Koroyê Antakyayî ra Dîyarbekir de deyîrê Kurmanckî û Zazakî

AMİDA HABER- Merkezê Kongre û Kulturî yê Sezai Karakoçî yê Dîyarbekirî de konserêkê zafziwanî da.

Koroyê Medenîyetan yê Antakyayî Şaristanê Hatayî de serra 2007î de ameyo ronayîş û mîyan de kesê ke endamê hîrê dînanê Semawî û mehzeban estê. Koroyê Medenîyetan yê Antakyayî na rey Dîyarbekir de konserêk pêşkêşê heskerdoxanê hunerî kerd.

Konser çarçiwaya ‘Sezonê Hunerî û Kulturî yê Ali Emiri yê 2024î’ de hetê Serekîya Daîreyê Karanê Kultur û Sosyalî yê Şaredarîya Dîyarbekirî ra ame tertîpkerdiş. Konser Merkezê Kongre û Kulturî yê Sezai Karakoçî yê Dîyarbekirî de ame dayîş û raştê eleqeyêko weş ame.

Konser de xeylê ziwanan û lehçeyan ra deyîrî ameyî vatiş. Pa Tirkî, Erebkî û Ermenkî, deyîrê lehçeyanê Kurdkî (Kurmanckî-Zazakî) zî hetê koroyî ra ameyî vatiş.