Lajê Kadri Yıldırımî kitabê ey o ke nêvejîyabi çap kerd

AMİDA HABER - Prof. Dr. Kadri Yıldırım wexto ke sax bi dest bi nuştişê kirtabê bi nameyê “Kürt Dili ve Lehçeleri/Aşağı Kurmancî/LORİ” kerdbi. Lajê ey Abdurrahman Yıldırımî na xebata ey temam kerd û çap kerd.

Kitab hetê Weşanxaneyê Zilan Akdemî ra ameyo weşanayîş.Lajê ey Abdurrahman Yıldırım peyê qepaxê kitabî de wîna vano: “Babîyê mi o rehmetî Prof. Dr. Kadrî Yıldırım waştêne nê kitabê xo çap biko la emrê ey bes nêkerd. Kadrî Yıldırım ziwanê Kurdî û heme lehçeyanê ey zaf weş zanayêne. Nê kitabê xo de bi hîrayî behsê lehçeyanê Kurdî keno.”

Kadrî Yıldırım kam o?

Kadri Yıldırım serra 1959î de Dîyarbekir de amo dinya. Yıldırımî serra 2010î de Univesîteya Artukluyî ya Mêrdînî de sey hetkarê Rektorî dest bi wazîfe kerdo. Badê cû sey Midûrê Enstituya Ziwananê Ganeyan ame tayînkerdiş. Yıldırım serra 2015î de şaristanê Sêrtî de HDP ra bi parlamanter û şi Meclîs. Bi Kurdî, Erebkî û Farskî 14 hebî kitabê ey estê. Kadrî Yıldırım 26ê Adara 2021î de Dîyarbekir de dinyaya xo bedilna. (Amida Haber)