Mîyanê baxçeyê mektebêkî de yewna mekteb!

AMİDA HABER- Par baxçeyê Mektebê gedeyanê Qijan (Anaokulu) yê Mevlana yo ke qezaya Kayapinarî de ca gêno de yewna mehteb ameviraştiş. Semedo ke nifusê semtî zêdîya Wezaretîya Perwedeyî ya Mîllî, qerar da ke mîyanê eynî baxçeyî de yewna mekteb virazo.

Keyeyî hêrsin ê

Keyeyê ke gedeyê înan şinê mekteb, semedo ke baxçeyê mektebî de înşaatê yewna mektebî virazîyayo hêrsin ê û wîna vanê “Nê gedeyî do kamca de kay bikerî, boya xo verdê. Mîyanê baxçeyî de cayê baxçeyî nêmendo. Her ca bîyo beton.”

Heto bîn ra semedo ke mîyanê baxçeyê mektebî de xebata înşaatî esta hem wendekarî hem zî mamosteyî aciz ê. Rîyê vengê makînayanê karî ra gedeyî nêeşkenê derse bigîrê.