Perwerdekar Arslan Ozdemîrî ra semedê wendekaran vernîyazî

AMİDA HABER- Encamê YKSyî yê serra 2023î ameyê aşkerekerdiş. 2 milyon û 527 û 466 tenan muracatê YKSyî kerdo. Mîyanê nê tenan de puanê înanê ke bes keno do semedê unîversîteyan tercih bikerê.

Nuştoxanê Amida Haberî ra Perwerdekar Arslan Özdemir derheqê tercîhanê unîversîteyan de hem vernîyazanê xo vano hem zî hişyarî dano.

Çend vernîyazê Pispor Arslan Özdemirî îna yê;

Semedo ke şima kamcî unîversîte de biwanê, karîyerêko senî bikerê tercîhkerdişê unîversîteyan û beşan muhîm o.

Ganî şima kilavûzê tercîhkerdişî weş biwanê.

Ganî şima waştişê xo armancê xo weş bizanê.

Beşa ke şima qayîlê biwanê û unîversîtya ke şima do tercih bikerê înan ser o weş cigêrayîş bikêne.

Ganî şima beşa ke weçînenê, a beşe de karê senî estê înan bimûsê.

Ganî şima unîversîteyan de akademîsyenan ser o cigêrayîş bikê.

Semedê unîversîte û beşan pêroyî de 24 heqê şima yê tercîhî esto. Ganî şima zaf dîqet bikê. (Amida Haber)