Qaymeqamîya Erxenî werdê tezîye qedexe kerd

AMİDA HABER- Bi nameyê Qaymeqamê Erxenî Ahmet Karaarslanî muxtarîyanê taxan rê semede werdê tezîye nuşteyêk ame erşawitene. Nuşte de dîya vîrvistiş ke, tezîyeyî edetê Îslamîyetî ca gênê, zemanêk êyê ke merdimê înan wefat kerdêne, hetê mêmanan ra înan rê werd amêne berdiş.

Qaymeqamê Erxenî Ahmet Karaarslanî nuşteyê xo de nê çîyî vatî:
“La demo peyên de herdinda nê edetî de, hetê wayîrê tezîye ra werd dîyeno mêmanan. Ma kombîyayîşanê xo yê şarê taxe reyde pêhesyayê ke, bi no qayde wayîrê tezîyeyan kewtê bînê deynan û bîyê mexdûr. Eke ma hesabê rewşa aborîya şarî bike, çi dewlemend çi feqîr beno, rewşa înan çi bena wa biba, tezîyeyan de dayîşê werdî gereke wedarîyo. Ez rîca kena ke wa şarê ma na mesela de goş bido ma ser û tezîyeyan de mêmanan rê werd îkram nêkero”

Qredîya tezîyeyan

Dîyarbekir de nê serranê peyênan de vejyabi orte ke, rîyê werdê tezîyeyan ra tay wayîrê tezîyeyan banqayan ra kredî antê û bîyê deyndar. Coka mîyanê şaristanî de, tay banê tazîyeyan de dayîşê werdê tezîye amebi qedexe kerdene. (Amida Xeber -Taybet)