Rayberîya DİKADî bedilîya: Müzeyyen Kaya bîye sereka newîye

AMİDA HABER- Komela Cinîyanê Karsazan ya Dîyarbekirî (DİKAD) 20 serrî verê cû ameyo ronîyayîş. DİKAD bi kongre weçînayîş kerd. Verê weçînayîşî sereka verêne Reyhan Aktar qiseykerdişêk kerd û rayberîya newîye rê serkewtiş waşt û va “Ez do ti verê rayberîya newîye de biba. Ez hêvî kena DİKAD do serkewtişanê xo rê dewam biko”

Weçînayîş bi yew lîste ame kerdene û Sereka verêne Reyhan Aktare nêbiye namzed û sereka DİKADî ya newîye Müzeyyen Kaya ya..

Heyetê rayberîye de nê kesî estê:

Müzeyyen Kaya, Mahabad Miroğlu Gür, Berfin Argün Yaka, Dilara Kafadar û Elif Ciniviz. Endamê Heyetê Teftîşkerdişî de zî Aygül Ok, Merve Sezik ve Nagihan Çapras ca yê.

'Ma do hîna bibê aktîf '

Sereka newîye Müzeyyen Kaya zî sereka verêne Reyhan Aktare rê semedê xebatanê aye aye rê sipas kerd û va “ Semedo ke ma hetkarîye bide cinîyan xebatê ma do hîna bibê aktîf. Semedo ke ma vengê cinîyan hetê kar û gureyî ra bide hesnayene çi destê ma ra bêro ma do bikê”