Siltanê Amedî semedê maçê sibayî hadre yê
Yayınlanma:
Futbolbazê Amedsporî yê cinî ke Liga Supere ya cinîyan de kay kenê, verî govend kay kerd, badê pey îdman kerd.
AMİDA HABER- Sezonê Liga Supere ya Futbolbazanê Cinîyan ya 2022-2023î 16ê na aşme de (siba) bi musabeqaya yewine dest pêkeno . Temsîlkarê Dîyarbekirî, Taximê Futbolî yê Ciniyan Amedspor zî siba keyeyê xo de İzmir Konakspor reyde yeno têver.
Siltanê Amedî semedê maçê sibayî xebatanê xo rê bêmabên dewam kenê.
Bi deyranê Kurdkî govend kay kerdê
Vizêr tesîsê kûlûbe de îdmanê taximî de dîmenê weşî vejyayî orte. Serekê Taximê Cinîyan yê Amedsporî Cihat Akin û futbolbazê cinî îdmanî ra verî bi deyranê Kurdkî govend kay kerdî. Govendî ra dima zî futbolbazî antremanê xo rê dewam kerd.
Akınî venga terefdaran da
Heto bîn ra serekê Kûlûbe Akinî zî semedê maçê sibayî venga terefdaran da ke wa bêrê maç û paştî bidê înan. (Cayê Xeberan)
Resmi İlanlar
Gündem
Türkçe karakter kullanılmayan ve büyük harflerle yazılmış yorumlar onaylanmamaktadır.