Sûrê Dîyarbekirî êdî seba zîyaretkerdoxan tehlûkeyîn ê!

AMİDA HABER- Sûrê Dîyarbekirî serra 2015î de hetê UNESCOyî gêrayîyayê Lîsteya Mîrasî yê Dinya. La nika dêsanê Sûran de xisar esto. Bircê Kênayan o ke kişta Berê Mêrdînî de ca gêno erzlerdê 6ê Sibate de xisar dî. Hetêk ra dêsê Bircê Kênayan ameyo waro û hetêk ra zî bîyo cayê tîryakçîyan û hetêk ra zî seydwanê xiznayan bîyê musalatê ci.

‘5 serrîyo ke uca de restorasyon esto’

Derheqê mesela de Hemserekê Odaya Mîmaran Ferit Kahramanî Amida Haberî rê qisey kerd, da zanayîş ke panc serrîyo ke xebata restorasyonî dest pêkerda û wîna va “ Tena 10-15 serranê peyênan de xebata restorasyonî dest pêkerda. Xora demê ronîyayîşê Komara Tirkîya ra nata xebatêka restorasyonî nêbîya. Beno ke bi erdlerzan zerar ginayo Sûran la bi destê însanan zî zaf zerar ginayo Sûran ro. Esrarkêşî şinê zereyê înan de esrar ancenî, adir kenî we. Seydwanê xiznayan şinê kerrayan (kemeran) tira ancenê. Bircan ser ra awa varanî ameya war û xercê kerrayan pûç bîyo. Ayra kerrayî cayê xo ra vejîyayê. Beno ke kerrayî biginê waro”

Ferit Kahraman da zanayîş ke zaf kerrayê Sûran sexlem nîyê û beno ke bêrê sereyê merdiman ser û waşt wa semedê Sûran tedbîrî bêrê girewtiş û xebeta restorayonî leza bez bêra kerdiş.
Amida Haber