Amed ji festîvala şanoyê re amade ye!

AMIDA HABER - Şanoya Bajêr a Amedê bernameya 8'emîn Festîvala Şanoyê eşkere kir. Festîval dê di navbera 20-30'ê cotmehê de pêk bê. Dirûsma festîvalê jî wiha ye; Vaye Cûdî vaye ev ax! Bernameyên festîvalê dê li Dîclekenta Peyasê bi rê ve biçin.

Lîstikên kurdî yên festîvalê

Hema Hema Jin Elîzabeth, Tayo, Qesra Balindeyên Xemgîn, Bîrdank, Serbaz, Kas W Hanvin, Morî, Çîrokeke Cengê, Tu Ne Gara Yî, Dek û Dolabên Scapen, Qabûza Merûyan, Kûçikê Stalîn, Lîstik Serencama Qijikan û Haylo Dîsa Tevlihev Bû.

Di festîvalê de dê li ser girîngî û rewşa niha ya şano û şanogeriyê jî semîner bêne lidarxistin û atolteyên derhêneriyê jî bêne vekirin.

Li gorî agahiyan ji bajarên Herêma Kurdistanê Duhok û Kerkûkê jî dê şanoger bên Amedê û lîstikên xwe nîşan bidin. Ji bajarê Rojhilat Urmiyê û dîasporayê jî şanoger amade bin. Di festîvalê de 18 lîstik dê bêne nîşandan.

Piştî ku qeyûm danîn ser Şaredariya Bajarê Mezin a Amedê, şanoger ji kar hatin avêtin. Van şanogeran paşê Şanoya Bajêr a Amedê ava kirin û şanogeriya kurdî berdewam kirin.

(Haber Merkezi)