Banê înan de xesaro giran esto la seba ke ban çin o tede manenê!

AMİDA HABER- Qezaya Bismilî, taxa Akpınarî de Apartmana Güler, erdlerzê Mereşî de xesaro giran girewt. Derheqê apartmana 5 qatine de qirarê rijnayîşî ame dayîş. Polîs û zebitayê ke semedê mohrkerdişê bîna ameyê verê bînan mabênê înan û wayîrê banan de minaqeşe vejîya.

Nêeşkay keye ra vejîyê

Serê sibayî semedê mohrkerdişê banan polîsî û ekîbê zabitayî amey. La 2 keyeyê ke rîyê kîraya zêde ra nêekayê ca bidê xo mabênê înan û zabiteyan de pêrodayîş vejîya. Hemwelatî Yusuf Akgündüz vano ke “Cayo sey Bismil de heqê kîrayan bîyo 6 hezar TL. 3 heb gedeyê mi estê. Ez betal a. Ez senî eşkena şêrî 6 hezar heqê kîraya banî bidî?”

'Qaymeqam ey dir qisê nêkerd'

Akgündüzî îzah kerd ke, o waşto Qaymeqamê qeza dir qisê biko la Qaymeqam ey dir pêvînayîş nêkerdo.

2 keyeyî zî erdlerzê 6ê Sibate ra nat bananê xesarinan de manenê, la a roje ra nat semedo ke heqê kîraya banan zêdîyayo nêeşkenê keyeyanê xo ra vejîyê. (Amida Haber)