AMİDA HABER- Qezaya Dîyarbakirî Erxenî de yew gede keyeyê xo de pê demenceyo kekeye de bi kay kerd û pê birîndar bi. Gedeyo ke wedarîya nêweşxane, nêxelisîya û merd.

Goreyo ke îdîa bi şewa bîne qezaya Dîyarbekirî Erxenî, Mehleya Savaşî de Mustafa Özpolat o 11 serrî wexto ke tena keye de bîyo pê demenceyî kay kerdo û pê birîndar bîyo. Cîranê ey ke vengê tifingî pêhesîyay, xebere wesnay keyeyê ey. Badê zî ekîbê weşîye ameyî cayê qewimyayîşî û gedeyo birîndar wedarîya Nêweşxaneyê Dewlete yê Erxenî.

Labelê çi heyf ke, her çiqas gedeyî rê midaxele ame kerdene zî, gedeyo 11 serrî Mustafa Ozpolat nêxelisîya û merd. Cenazaya gedeyî amey definkerdiş û derheqê qewimyayîşî de tehqîqat dîya dest pêkerd û tehqîqat hîna zî dewam keno..