Şaredarîya Dîyarbekirî Musabeqaya bi Kurdkî virazena

AMİDA HABER - Musabeqaya ke hetê Tîyatroyê Şaristanî yê Dîyarbekirî ra virazîyena, musabeqaya nuştişê kayan a û peynîya musebaqa de do xelatî bêrê dayene. Na musabeqaya hîrêyîna ke hetê Tîyatroyê Şaristanî yê Dîyarbekirî (DBŞT) ra yena tertîpkerdene.

Daîreya Kultur û Sosyalî ya Şaredarîya Dîyarbekirî, semedo ke nuştişê kayan û açarnayoxî teşwîq biko û hetkarî bido nuştoxanê ciwanan, Musabeqaya Nuştişê Kayan ya Netewî ya hîrêyîne tertîp kena.

Aşkere bîyo ke, semedê nuştişê kayan sîndorêk çin o, kayê ke ameyê nuştene ganî cayêko bîn de nêameybîyê weşanayîş, Semedê muracatê musabeqa zî vajîya ke, 10ê êlule roja muracatî ya peyêne ya û musabeqa do roa 10ê teşrîna verêne bêra aşkera kerdene.

Pêroyî de do 10 hebî xelatî bêrê dayene. Semedê yewînê/a musabeqa 25 hezar TL, diyînî/e 20 hezar TL, hîrêyînî/e 10 hezar TL, û semedê xelata Mansiyonî yê 1.2. zî 7 hezar û 500 TL xelatî bêrê dayene.