Xebata Pirdo Palûkê yo Rayîrê Mêrdînî qedîya

AMİDA HABER - Serekîya Dayîreyê Ciewnîyayiş û Viraştişê Rayîr û Kontrolkerdişî ya Şaredarîya Girdî qezaya Sûrî, Rayîrê Mêrdînî yo Kehen ke Koyê Qirxlarî, Pirdo Desçim û Birca Bize girêdayeno de, xebatan dewam kena. Ekîban, Pirdo Kebê ra heta Rayîrê Mêrdînî 4.5 kîlometreyin rayîr ra 3.3 kîlometreyê ci de 300 fore û 500 metre desê îstînatî virazîya û rayîr ame hîrerdiş û dewamê ci zî bi qedînayişê xebata îstîmlakî bêra qîr û zift kerdiş.

Ekîbê şaredarî pirdo ke hem semedê raygehê cayanê tarîxî hem zî semedê rayîrê dewan cayêko girîng der o, qedînay û asfalto germin ravist.

Semedê asayîşê raywan Û ramitoxan zî 550 metre poladê asayişi yê oto 800 metre poladê asayîşî ya raywanan û montajê 10 heb dîregê roşnîkerdişî virazîya.

Çîftçî xebatan sehna

Sekreterê Pêroyî ya Şaredarîya Bajarê Girdî ya Dîyarbekirî Abdullah ÇÎftçî, xebatan ca de sehna. ÇÎftçî derheqê xebatan di selahîyetdaran ra agahî girewt û wina vat:

“Rayîrê Mêrdînî ya kehen ageyreno îxtîşanê xo yo vêren. Hetê şaredarî Pirdo Palûkê (Çarixlî) yo ke 71 metre dergi de yo, xebata pird, asfalto germin û peyarayîran hemwelatê ma rê xeyrîn bo. Ma her roje semedê Dîyarbekireko, hîna weş şewe û roje xebetîyenî.”