Amedspor şino deplasmanê Soma; Heyeto ke do şêro hadre yo!

AMİDA HABER- Amedspor Lîga Sûre ya Diyîne ya TFFyî de kay keno û semedê maçê Somasporî hadrekarîya xo rê dewam keno. Taximê Amedsporî hetê Dîrektorê Teknîkî Mesut Bakkalî ra yeno hadrekerdiş û bê Berk İsmail Ünsal û Dıjlan Aydın pêro futbolbazê Amedsporî hadre yê. Amedspor ewro îdmanê xo yê peyênî keno û siba pê tayaraya taybete verê cû şino İzmir û badê cû zî şino qezaya Manîsa Soma.

DTSO wayîrê Amedsporî vejîyeno

Program hetê Odaya Bazirganî û Sanayî (DTSO) ra organîze beno û nika ra kesê ke do şêrê Soma bewlî bîyê. Qefleyê Amedsporî de Parlamanterê CHP yê Dîyarbekirî Sezgin Tanrıkulu, Serekê DTSOyî Mehmet Kaya, Serekê Borsaya Tîcaretî yê Dîyarbekirî Engin Yeşil, Serekê Baroyî Nahit Eren, Serekê Sanayî û Organîze Mustafa Fidan û xeylê kesê bînî do ca bigîrê..

Amedspor şino deplasmanê Soma

Çimê heskerdoxanê Amedsporî maço ke do roja Yewşemeyî saete 15.00 de bêro kaykerdiş de yo. Dîrekorê Teknîkî yê Amedsporî Mesut Bakkal zî vano, “Hevîya mi taximê min ra esta. Maçê Iğdirî de şansê ma çin bi. Ma kêmanîyê xo dîy û ma tedbîrê xo girewtê. Futbolbazaê ma ê maçî xo vîrî ra kerd. Ma semedê hîrê pûanan şinê Soma. Ma do pê şampîyonîye ageyrê Dîyarbekir.”