AMİDA HABER- Karkerê Dîyarbekirî êyê ke Adiyeman de înşaatê TOKİ de xebitîyêne raştê hêrişê grûbêke ameyî û ameyî derbkerdiş. Keyeyê karkeran îdîa kenê ke, nijadperestan merdimanê înan rê hêriş kerdê.

Goreyo ke îdîa beno, hedîse Adıyeman de înşaatê TOKİ ke semedê mexdûranê erdzlerzî yenê viraştene de qewimîyaya.

Karkerê Dîyarbekirî êyê ke înşaatê ê keyeyan de xebitîyêne raştê hêrişê grûbêka 20 kesine ameyê.

Karkerê ke raştê hêrişê nijadperestî ameyê înan ra çend kesî birîndar bîyê.