Firindarê Dîyarbekirî heqanê xo wazenê

Firindarê Dîyarbekirî heqanê xo wazenê

Dîyarbekir de karkeranê firine onca gureyê xo war verda. Karkerî wazenê ke şertê xebate û gureyê înan bêro raşkerdiş. Çalakîye ra badê pey karkeran sloganê 'Serek îstîfa' vat.

AMİDA HABER- Karkeranê firinan êyê ke Dîyarbekir de semedê waştişê heqanê xo û raştkerdişê xebate, gureyê xo caverdabi onca Meydanê Şêx Seîdî (Berê Koyî) de ameyî têhet beyanat day çapemenî.

Ma mîyanê şertanê giranan de xebitîyenê

Nameyê firindaran ser o karkerê firine Nihat Güneşî beyanat wend, da zanayîş ke mîyanê şertanê zehmetin û giranan mexdûr benê û wîna va “ Ma wazenê neheqîya ke ma rê bena pê bihesne, wa vengê ma bieşnawê. Ma mîyanê şertanê giranan de xebitîyenê la onca zî ma nêeşkenê heqê xo bigîrê. Ma nêwazenê mîyanê nê wazîyetî de bixebitê. Ma her roj bi saetan xebityênê ke lazimtîya şarî bîyarê ca. La semedê ma berdelê ney, hetê sihet û rûhî ra giran o.”

Güneşî îzah kerd ke, firindarî semedo ke mîyanê şertanê giranan de xebitîyenê, înan de zaf nêweşî peyda bena, semedo ke sîgortaya înan çin ya nêeşkenê şîyêrê nêweşxane û va ke “Ma 7 roj têdima şuxulyenê. Xora eke ma goreyê ekonomî ra vaje, ma hînî nêeşkenê debara xo bike. Ma hînî nêwazenê mîyanê nê wazîyetî de bişuxulê, nêwazenê wa keda ma bêro werdiş.”

HABERE YORUM KAT
UYARI: Küfür, hakaret, rencide edici cümleler veya imalar, inançlara saldırı içeren, imla kuralları ile yazılmamış,
Türkçe karakter kullanılmayan ve büyük harflerle yazılmış yorumlar onaylanmamaktadır.