Sîmîtê Dîyarbekirî bi vayayîya zêde yenê rotiş

AMİDA XABERE – Hetê Odeya Fitinkaran a Dîyarbekirî ra vayayîya sîmîtan û poxaçayan ê 100 gramajan sey 4 lîra ameyî bewlîkerdiş. La ame zanayîş ke tay firinkarî goreyê na terîfe nêroşenê. Tay firinan de sîmîta 85 gramine û poxaçaya 75 gramine 4 lîra ra roşîyenê. Kargehî bi no qayde karo ke heq nêkenê miletî ra gênê.

'Ganî teftîşî bêrê pêtkerdiş'

Serekê Odaya Firinkaran yê Dîyarbekirî Mehmet Emin Güngörî derheqê na mesela de wîna va: “Sey her sektörî no sektor de de zî esnafê ke karê xo de hîle kenê estê. Semedo ke wîna kenê ma xemgîn ê. Semedo ke teftiş hewl nêbeno nê çîyî benê. Ne şaredarî, ne zîraet, ne zî karkerê weşîye karê xo hewl nêkenê. Semedo ke şar xapîyeno, esnafê ke karê xo rast kenê zî mexdûr benê. Ma wazenê wa dezgeyê dewlete teftîşanê xo bizêdnê.”