Tahîr Elçî cayo ke ame kiştiş de ame yadkerdiş

Tahîr Elçî cayo ke ame kiştiş de ame yadkerdiş

Serekê Baroyê Dîyarbekirî yo verên Tahîr Elçî, verê Minareya Çarlinge ke uca de amebi kiştiş de ame yadkerdiş. Avukatê Baroya Dîyarbekirî û Parlamenterê HDPyî beşdarê yadkerdişî bîyî.

AMİDA HABER - Avukatê Baroya Dîyarbekirî, bi minasebetê serrgêra hewtine ya wefatê Tahîr Elçî de, verê Edlîyeya Dîyarbekirî de ameyî yewca û uca ra hetanî Minareya Çarlinge rayşîyayîş kerd.

Rayşîyayîş de sloganê “Tahîr Elçî Rûmetê Ma Yo” ameyî vatene. Serekê Baroya Dîyarbekirî Nahit Erenî yadkerdiş de qiseykerdişêk kerd û wîna va “ Serra 2015î de na roje, Tirkîya de demêko tarî dest pêkerd. O wext newe ra semedê meseleya Kurd polîtîkayê asayîşî dest pêkerdî. Serê nê cînayetê tarî ra 7 serrî vîyartî. La faîlê nê cînayetî hîna zî aşkere nêbîyê û nêameyê cezakerdiş.”

Qiseykerdişan ra badê pey cayo ke Tahîr Elçî amebi kiştiş de qerenfîlî ameyî ronayîş. (Amîda Haber)

Etiketler :
HABERE YORUM KAT
UYARI: Küfür, hakaret, rencide edici cümleler veya imalar, inançlara saldırı içeren, imla kuralları ile yazılmamış,
Türkçe karakter kullanılmayan ve büyük harflerle yazılmış yorumlar onaylanmamaktadır.