Tirkîya de enflasyono serrane bîyo se ra 83,45

Yayınlanma: 03 Ekim 2022 Pazartesi 11:45

Tirkîya de doneyê enflasyonî hetê Saziya Îstatîstîkan a Tirkîya (TÜİK) ra ameyî aşkere kerdene. Goreyê doneyanê TÜİKî yo resmî, nîspetê enflasyonî bîyo se ra 83,45. La goreyê hesabê ENAGî nîspetê enflasyonî menga êlûle de resayo se ra 186,27.

AMİDA HABER- Goreyê doneyanê TÜİKî, berzbîyayîşê mengane yê TÜFEyî bîyo se ra 3,08. Goreyê menga Kanûne ya serra verêne se ra 52,40, goreyê hesabê standartê 12 mengan zî se ra 60 berz bîyo TÜFE. Enflasyono serrane menga Tebaxe de resabi se ra 80,21. Menga êlûle de zî goreyê serra verêne (na aşme) çîyê ke tewr zêde bîyê zêde bi se ra 30,76 dayîş-girewtişê agahî yê. Goreyê serra verêne ya eynî menge tewr zêdebîyayîş bi se ra 117,66 komresî de bîyo.

Goreyê hesabê Grûba Cigêrayîşê Enflasyonî (ENAG) zî menga êlûle de enflasyon se ra 5.30 zêde bîyo û enflasyonê serrane zî resayo se ra 186.

Mebênê Saziya Îstatîstîkan a Tirkîya (TÜİK) Û ENAG o ke bi hawayo serbest cigêrayîş keno de her aşme hesabkerdişê enflasyonî de cîyayî estê û hema veje nême ra nême ferq esto. (Merkezê Xeberan)

HABERE YORUM KAT

UYARI: Küfür, hakaret, rencide edici cümleler veya imalar, inançlara saldırı içeren, imla kuralları ile yazılmamış,
Türkçe karakter kullanılmayan ve büyük harflerle yazılmış yorumlar onaylanmamaktadır.

Gündem