Tirmê Mihemedê Nenyasî binê xirbeyan ra ame vetiş
Yayınlanma:
Dengbêj Mihemedê Nenyasî pa keyeyê xo Dîyarbekir de 10 rojî binê xirba Dîyar Galerîa de bî. Mihemedê Nenyasî pa keyeyê xo bêgan binê xirbe ra ame vetiş.
AMİDA HABER- Qezaya Yenîşehîrî ya Dîyarbekirî de Dengbêj Mihemedê Nenyasî (Mehmet Tanrıverdi) pa keyeyê xo 6ê Sibate de binê xirba bînayêk de mendbi. Çend rojî verê cû zî cenazeyê cinî û 3 gedeyanê ey binê eynî xirbe ra bêgan ameybî vetiş.
Erdlerzê 6ê sibate de bînaya Diyar Galeria zî rijîyabî. Ame zanayîş ke Dengbêj Mihemed Nenyasî (75 serre), çar aşmî verê erdlerzî keyeyê xo berdo qata şeşine ya Galeria. Dengbêj Mihemedê Nenyasî pa cinîya xo Servet, kênayê xo Nermîn û Ayfer û lajê xo Yunus Tanriverdî binê xirban de mendbî. Roja Çarşemeyî cenazeyê 3 gede û cinîya Dengbêj Mihemedê Nenyasî bêgan ameybî vetiş.
Cenazeya Mihemedê Nenyasi zî vizêr 10 rojan ra dima binê xirbeyan ra amey vetiş.
Gündem
Türkçe karakter kullanılmayan ve büyük harflerle yazılmış yorumlar onaylanmamaktadır.