Dîyarbekir de kokteylê daşinasnayîşê kitabê bi Zazakî “KESA”
Yayınlanma:
Siba Dîyarbekir de kokteylê daşinasnayîşî yê kitabê “KESA” esto. Kitabê musnayîşî o ke hetê Mutlu Canî ra ameyo nuştiş bi yew Kokteyl do bêro daşinasnayîş.
AMİDA HABER - Kitabê Mutlu Canî yo bi nameyê KESA ke o 2 serrî ser o xebitîyayo, Kanûna 2022î de amebi weşanayîş. Nika zî Dîyarbekir de semedê kitabê "Bi KESA Roje bi Roje Kirmanckî (Zazakî)” roja îmza û daşinasnayîşî virazîyena.
Kokteylê daşinasnayîşî yê KESA roja 28.01.2023, saete 15:00 de yo. Hunermend Mehmet Atlı zî do beşdarê daşinasnayîşî bibo û semedê mêmanan çend deyranê bi zazakî vajo. Cayê Kokteylî zî Qonaxê Zerzevanî de yo.
Kitabê “KESA”
Bingeyê KESA, berardişanê rîpelê musnayîşê kirmanckî (zazakî) ke weşanê ey hetê Mutlu CANî ra û 17 Nîsane 2020î ra nat Facebook û Instagramî ser ro yeno ramitene ra teşkîl beno. Kitabo ke 2 cîldan ra pê yeno û 512 rîpelî yo, ancîna bi îmzaya CANî weşanîyayo.
(Amida Haber)
Gündem
Türkçe karakter kullanılmayan ve büyük harflerle yazılmış yorumlar onaylanmamaktadır.